Gitino ni Manila 3rd District Rep. Joel Chua nga ang kaso sa impeachment nga giatubang ni Bise Presidente Sara Duterte makatabang sa iyang pagdagan pagka-presidente sa 2028.
Sumala ni Chua, magamit sa Bise Presidente ang proseso isip oportunidad aron limpyohan ang iyang ngalan sa dili pa ang eleksyon.
Dugang niya nga kung ang kaso makaabot sa Senado ug sa katapusan mabasura, magamit kini ni Duterte isip depensa sa iyang kampanya.
Sa pagkakaron, ang kaso anaa pa sa House Committee on Justice.
Gikatakda ang “hearings proper” sa Marso 25 ug giimbitar si Duterte sa pagtambong, bisan kung adunay mga indikasyon nga dili siya motambong.
Gipasiugda ni Chua nga ang impeachment usa ka “pagsulay sa kinaiya” o test of character” alang sa bisan kinsa nga gusto nga mahimong presidente.
Kini ang ikaduhang higayon sulod sa duha ka tuig nga si Duterte nag-atubang sa mga proseso sa impeachment.
