Gipangunahan ni Presidente Ferdinand R. Marcos Jr. ang paglusad sa Implementing Rules and Regulations (IRR) sa Expanded Tertiary Education Equivalency and Accreditation Program (ETEEAP) Act sa President’s Hall sa Malacañang Palace gahapon, Hunyo 17, 2025.
Ang ETEEAP, nga gi-institutionalize pinaagi sa Republic Act (RA) No. 12124 sa 2023, nagtanyag og pormal nga agianan alang sa mga Filipino nga makaangkon og academic degrees basi sa mga katakos nga naangkon pinaagi sa kasinatian sa trabaho, non-formal training ug informal education.
Ang maong programa nagtugot sa mga kwalipikado nga indibidwal nga makadawat mga kredito sa akademiko ug kompleto nga mga degree nga wala moagi sa tradisyonal nga panudlo sa klasehanan.
Ubos sa balaod, ang mga aplikante kinahanglang Filipino citizens, labing menos 23 anyos ug high school graduates nga adunay minimum nga lima (5) ka tuig nga kasinatian sa trabaho nga may kalabotan sa degree nga gusto nilang makuha.
Ang IRR naglatid sa mga pamaagi aron masiguro ang makanunayon nga pagpatuman ug kalidad nga kasiguruhan sa tanan nga mga miapil nga institusyon. Gipulihan niini ang miaging gambalay nga gitukod ubos sa Executive Order (EO) No. 330, sa ingon naghimo sa ETEEAP nga usa ka permanente, hingpit nga gipundohan nga nasudnong programa. | Bombo Irene Ardiente
