TABOGON, CEBU- Namatay sa sunog ang inahan ug anak human miugdaw ang ilahang panimalay ganihang kaadlawon Disyembre 30, 2024, sa Purok Nangka, Barangay Ilihan, Tabogon, Cebu
Sa pasiuna nga imbestigasyon sa Tabogon Municipal Police Station nasuta nga nahitabo ang power interruption mga alas 8 sa gabii Disyembre 29, nga nag-aghat sa inahan sa pagdagkot og kandila.
Nagtuo ang mga otoridad nga ang wala mabantayi nga kandila ang hinungdan sa sunog.
Unang nakagawas ang inahan apan nisulod pagbalik sa nasunog nga balay aron pagluwas sa iyang anak, nga miresulta sa pagkalas sa duha.
Ang mga awtoridad miila sa mga biktima nga sila si Mylene Lubanga, 33 anyos, ug ang iyang anak lalaki nga si Regil Kent, 7.
Samtang ang laing duha ka anak luwas nga nakagawas sa balay.
Ang sunog nagbilin og mokabat sa P500,000 nga danyos sa mga kabtangan.
