Gibasol sa usa ka inahan ang usa ka pampublikong tambalanan sa Tagbilaran City, Bohol ang kamatayon sa iyang 9-month old baby tungod sa medical negligence o pagpakabaya sa ospital.
Kini ang nunot sa post sa social media account ni Maricel Igang nga lumulupyo sa Del Carmen West, lungsod sa Balilihan sa Bohol niadtong Marso 7 tungod sa makasubong kasinatian niini sa pagpa-ospital sa iyang anak.
Ang nasangpit nga tambalanan kay mao ang Governor Celestino Gallares Memorial Hospital sa dakbayan sa Tagbilaran.
Ang maong post kay naka ani na og 17,000 reactions, 4,900 comments, ug 19,000 shares sa social media app nga Facebook nga nagdetalye sa trahedyang nasinati nila nga miabot sa kamatayon sa bata.
Matod pa sa post, nasakit iyang bata niadtong Marso 2 nga adunay hinalat, pagsuka-uka, ug diarrhea nga dayon gidala kini sa maong tambalanan niadtong Marso 3 diin gitagaan og pahiunang tambal og laboratory test.
Apan pagsunod adlaw sa Marso sa pagdischarge nila kay misamot hinuon ang sakit sa bata hinungdan sa ilang ikaduhang pagbisita sa tambalanan.
Niadtong higayona kay mi-request na nga magpa-admit ang inahan apan gibalibaran kini sa ospital tungod kay wala daw kini sa kritikal nga kondisyon og gidalitan ra og tambal ug dugang laboratory test.
Nunot niini pag Marso 5 kay mas ni-grabe pa ang kahimtang sa panglawas sa bata nga nakapa-aghat sa ikatulong pagbisita sa ospital diin gilangan-langan gihapon kini.
Apan uwahi na nagkara-kara ang mga medical team sa pag-atiman sa bata hinungdan nga misangpot na kini sa punto sa kamatayon sa batang gamay.
Tungod sa maong kontrobersiya, mipagawas og statement ang ospital niadtong Marso 8 nga mipaabot og pahasubo sa pamilya ug ingon man ang paghatag sa katin-awan sa insidente.
Mipasalig pud kini og pagbuhat sa imbestigasyon sa maong kaso ang maong tambalanan aron paghatag og hustisya sa pamilya.
