METRO MANILA-Gipasalig ni incoming Education Secretary Sonny Angara nga iyang palambuon pa ang mga programa arun nga makapalambo sa taas nga kalidad nga edukasyon sa mga tinun-an, ug iyang ipadayon ang nasugdan na ni Bise Presidente Sara Duterte sa Department of Education (DepEd).
Kini ang gipahibalo ni Angara atol sa turnover ceremony sa buhatan sa DepEd sa Pasig City diin pormal nga gitugyan ni Duterte ang liderato sa DepEd.
Matod ni Angara, dako nga dungog ang gihatag kaniya ni Presidente Ferdinand R. Marcos, Jr. nga magsilbi nga DepEd secretary.
Saysay niini nga gidawat niya kini nga katungdanan uban ang hingpit nga pagpaubos, isip tubag sa pagsalig ug hagit sa Presidente.
Nasayran nga karung adlawa, Hulyo 19, opisyal nang molingkod si Angara isip bag-ong kalihim sa DepEd.
