CEBU – Mapasalamaton si Dr. Salustiano Jimenez, DEPED 7 Regional Director sa paghatag ug ‘increase’ sa sweldo sa mga magtutudlo nga mo serbisyo panahon sa eleksyon sunod tuig.
Gibutyag ni Jimenez nga makatarunganon lang usab kini ilabi na ug mas doble ang risgo nga atubangon sa mga magtutudlo niining panahon sa pandemya.
Matud pa nga taas gayud ang oras nga pagserbisyo ang mabuhat sa mga magtutudlo gumikan kay sigurado nga madugay ang mga proseso kung diin anaa man ang pagsunod sa mga health protocols.
Giingong posibli nga adunay mga kabag-ohan sa mga pamaagi gikan sa pagkuha sa mga paraphernalia hangtud na sa pag-canvass sa mga boto subay sa pagsunod sa mga lagda sa gobyerno sa paglikay sa COVID-19.
Subay niini, gihulagway ni Dr. Jimenez nga usa gayud kini ka maayong ‘development’ alang sa magtutudlo nga walay pahuway nga muserbisyo panahon sa pinili-ay.
