Patay ang usa ka Indian national human ang gimanehong motorsiklo nabangga sa gutter sa flyover nga miresulta sa pagkalagpot niini sa iyang gisakyan.
Giila ang biktima nga si Chetan Halvidiya, 24-anyos nga lalaki.
Basi sa imbestigasyon sa Traffic Enforcement Unit (TEU) sa Cebu City Police Office (CCPO), giingong hubog ang biktima dihang nahitabo ang insidente.
Kini matod sa Indian nga higala sa biktima, kinsa nagsunod kaniya sakay sa laing motorsiklo.
Miangkon ang higala niini sa kapulisan nga giingong nag-inom siya ug ang biktima sa wala pa mahitabo ang aksidente.
Gidugang usab niini nga kusog ang dagan sa pagmaneho sa biktima samtang naglatas sa flyover.
Nawad-an kini og kontrol ug nalagpot ang iyang motorsiklo ug milagapak nga mitugpa sa sementadong kalsada sa flyover.
Daling gidala sa tambalanan ang biktima apan gideklarar kini nga dead on arrival. | Bombo Nathaniel Sandoval
