CENTRAL VISAYAS-Human maobserbahan ang pag-us-os sa inflation rate niadtong Setyembre, ang Central Visayas nakakita og pagsaka ngadto sa 0.8 porsiyento niadtong Oktubre ning tuiga.
Basi sa taho sa Philippine Statistics Authority sa Central Visayas (PSA-7), ang Rehiyon 7 nitala og 2.9 porsiyento nga inflation rate sa miaging buwan kon itandi sa 2.1 porsiyento nga natala niadtong Setiyembre, matod ni PSA-7 Director Ariel Florendo.
Dugang ni Florendo atol sa inflation dissemination report nga ang nag-unang mga tigpasiugda sa pagsaka sa regional nga inflation mao ang pinakapaspas nga tinuig nga pagsaka sa presyo sa pagkaon ug non-alcoholic nga mga ilimnon sa 4.4 porsiyento gikan sa 2.0 porsiyento sa Setyembre ug transportasyon sa -2.6 porsyento gikan sa -5.7 porsyento sa Setyembre.
Samtang, ang nag-unang nakatampo sa regional inflation mao ang mga pagkaon ug non-alcoholic beverages, nga adunay 59 porsyento nga bahin, ug balay, tubig, elektrisidad, gas, ug uban pang mga gasolina, nga adunay 30.6 porsyento nga bahin.
Sa mga probinsya sa Central Visayas, ang Bohol nitala sa labing taas nga inflation rate sa 2.9 porsyento, ug gisundan sa Cebu sa 2.8 porsyento, sunod ang Negros Oriental sa 2.0 porsyento, ug Siquijor sa 1.6 porsyento.
Ang food inflation sa rehiyon misaka usab ngadto sa 4.6 porsiyento niadtong Oktubre gikan sa 2.1 porsiyento niadtong Setyembre.
