Gilauman nga magduwa sa 1.4 ngadto sa 2.2 percent ang inflation rate para karong buwan sa Oktubre sumala pa sa Bangko Sentral ng Pilipinas (BSP) niadtong Huwebes, Oktubre 30.
Matod pa sa gipagawas nga pamahayag sa BSP nga ang upward price pressures karong buwana kay nanukad sa taas nga presyo sa bugas, isda, utanon, ug presyo sa kuryente ingon man Dungan sa paghuyang sa piso.
Apan posibleng ma partially offset kini sa ubos nga presyo sa mantika, karne, ug prutas.
Ang headlune inflation kay adunay gamay nga pagpaspas sa 1.7% niadtong Septiyembre gikan lang sa 1.5% pag Agosto.
Ang national average inflation gikan Enero hangtod Septyembre 2025 naa sa 1.7%, nga mas ubos pa kay sa target sa gobyerno nga 2 hangtod 4% alang karong tuiga.
Ang ubos nga inflation rate nagtugot sa BSP sa pagpadayon sa pagpaubos sa interest rates.
Opisyal nga itala ang monthly inflation movement sa buwan sa Oktubre sa umaabot Nobyembre 5. | via Bombo Ken Apor
