PROVINCE OF CEBU-Nakasinati og pagtaas sa inflation rate ang tibuok probinsiya sa Sugbo samtang ang mga dagkong dakbayan niini nga giilang Highly Urbanized Cities (HUCs) sa dakbayan sa Sugbo, Mandaue, ug Lapulapu kay nakasinati sa pagkunhod matod pa sa opisyal sa Cebu Provincial Statistical Office.
Ang headline inflation sa probinsiya sa Sugbo nikusog ngadto sa 4 ka porsiyento niadtong Hulyo 2024 gikan sa 3.5 porsiyento lang niadtong Hunyo 2024.
Kini mahitungod sa tinuig nga paspas sa pagsaka sa index sa food and non-alcoholic beveragessa 9.6 porsyento gikan sa 7.8 porsyento sa Hunyo 2024, sumala ni Melchor Bautista, chief statistical specialist sa Cebu Provincial Statistical Office.
Dugang pa niya nga pagpaspas sa inflation sa pagkaon sa Hulyo sa probinsiya nag-una tungod sa mas paspas nga tinuig nga pagsaka sa produktong mais sa 31.8 porsiyento, sa mga produktong karne sa 9.3 porsiyento, ug sa prutas sa 4.9 porsiyento.
Apan ang mga dagkong dakbaya nsa Sugbo, Mandaue, ug Lapu-Lapu nakasinati sa pagkunhod sa inflation rate.
Ang inflation rate nagtumong sa pagkunhod sa purchasing power sa peso mahitungod sa pagbag-o sa Consumer Price lndex sumala sa lagda a Philippine Statistic Authority.
