Klaro nga dili aksidente ug misunderstanding ang bayolenteng mga aksiyon sa China sa Ayungin shoal sa nakalabay nga Hunyo 17 matud pa ni US maritime security expert nga si Ray Powell.
Gitawag usab kini sa kanhi opisyal sa US Air Force nga unfortunate words.
Gipasabut niini nga, bisan tuod nga ang ideya luyo sa paggamit sa maong mga termino mao ang pagpakalma o made-escalate sa West Philippine Sea, apan kinahanglan gihapong magmatngon sa pagkonsiderar sa de-escalation aron dili mahulog sa lit-ag.
Matod niya nga mahimong gamiton sa China ang maong de-escalation isip kahigayonan nga ibalik ang ilang pabor sama sa nahitabo human sa standoff niadtong 2012 dihang giokupar niini ang Scarborough Shoal nga gitawag usab og Panatag Shoal ug Bajo de Masinloc.
Dugang pa ni Powell nga mahimo kining usbon kung likayan ang pagtawag niini og armadong pag-atake apan dili kini matawag nga aksidente lang.
Ang US maritime security expert mihimo sa pamahayag human si Executive Secretary Lucas Bersamin, kinsa mao usab ang acting chairman sa National Maritime Council, niingon nga ang mas agresibong aksyon sa Chinese forces batok sa PH troops aron babagan ang resupply mission sa Ayungin niadtong Lunes lagmit usa ka dili pagsinabtanay o aksidente.
Matud pa ni Exec.Sec. Matod ni Bersamin nga dili pa niya kini maklasipikar nga usa ka armadong pag-atake.
