CEBU – Nalangkat ni Jaja Santiago sa Saitama Ageo Medic ang Best Blocker honors sa 2021-2022 season sa Japan’s V.League Women’s Division 1.
Nakuha sa middle blocker nga si Santiago ang kinatibuk-ang 103 blocks sa 33 ka duwa sulod sa maong season, nga mao ang pinakadaghan sa maong liga.
Aduna kini average nga 0.81 block sa matag set.
Mapasalamaton si Santiago sa pagkuha sa maong pasidungog ingon man iyaha kini nga gipahinungod sa iyanag pamilya, mga coach ug teammates kinsa padayong nisuporta kaniya ug naghatag kaniya og inspirasyon.
Nagsunod ni Santiago sila si Hattaya Bamrungsuk sa Toyota ug Foluke Akinradewo sa Hisamitsu, kinsa adunay 81 blocks matag usa sa season.
Gawas sa pagpangulo sa liga sa mga blocks, nakuha usab ni Santiago ang pwesto nga adunay pinakamaayo nga hitting percentage diin aduna kini 48.2% sa iyahnag mga hits karon nga season.
Si Alyja Daphne “Jaja” Antonio Santiago, usa sa mga Filipino volleyball player nga naghatag og dungog sa Pilipinas kinsa kasamtangang niduwa sa Saitama Ageo Medics sa Japan’s V.League.
