Natapos sa ikalimang puwesto ang Filipino swimmer nga si Jamesray Mishael Ajido sa men’s 100-meter butterfly final sa ika-upat nga edisyon sa Dakar 2026 Youth Olympic Games nga gipahigayon sa Senegal.
Nakapahimutang si Ajido og oras nga 55.16 segundos, nga mas paspas kumpara sa iyang 56.33 segundos nga natala sa morning qualifying heats.
Pinaagi niini, nakasaka siya gikan sa ikapitong puwesto sa qualifiers ngadto sa ikalima sa final.
Nag-atubang si Ajido og lig-on nga kompetisyon batok sa mga batan-ong manlalangoy gikan sa nagkalain-laing nasud.
Bisan wala makasulod sa medal standings, mipakita gihapon si Ajido og maayong performance pinaagi sa pagpauswag sa iyang oras sa final.
Ang iyang pag-abot sa medal race usa usab ka mahinungdanong kalampusan, ilabi na kay siya lamang ang swimmer gikan sa Southeast Asia nga nakasulod sa final.
