Janine Gutierrez, nagtutok sa damgo nga makasulod sa International Films

Gipaambit sa aktres nga si Janine Gutierrez nga nag-focus na siya karon sa iyang pangandoy nga makasulod sa International Films.

Si Janine miingon nga wala siyay specific nga papel sa iyang pangandoy apan ganahan siyang makatrabaho ang mga direktor nga iyang gidayeg sama nila ni Erik Matti ug Jerrold Tarog.

Sumala sa aktres, usa sa iyang mga pangandoy mao ang mahimong bahin sa mga pelikulang Pilipino nga gipagawas sa mga internasyonal nga film festival ug global streaming platform.

Gawas sa pag-arte, gipahayag usab ni Janine nga gusto niyang mosulod sa produksiyon sa mga proyekto sa umaabot.

Dugang ni Janine nga usa sa iyang unang mga tumong isip producer mao ang paghimo og dokumentaryo bahin sa iyang lola nga si Pilita Corrales.