Gipaambit sa actress nga si Jessy Mendiola sa iyang social media ang mga pipila ka hulagway diin iyang gipasigarbo nga mikuha kini og ballet class arun mapadayon ang iyang pangandoy sa pagkabata nga mamahimong ballerina.
Diin sa Instagram post niini, usa ka snap sa iyang kaugalingon nga nagsul-ob og ballet shoes.
Bisan pa man nga aduna na’y kaugalingong pamilya ang aktres, nagtuo kini nga “it’s never too late” o dili pa ulahi ang tanan arun matuman niya ang iyang mga pangandoy sa pagkabata.
Dugang pa ni Mendiola nga dili na kini makahuwat nga mosayaw kauban ang iyang anak nila ni Luis Manzano nga si Baby Rosie.
Gawas sa pag-enroll sa ballet class niadtong Hulyo, nakahukom usab ang aktres nga mobalik sa pagdawat og mga acting projects human kini mipirma og kontrata.
