Gibutyag ni Jin sa BTS nga fan kaayo siya ni Bruno Mars ug ganahan siyang makig-collaborate kung hatagan og higayon.
Sa usa ka episode sa BuzzFeed’s “The Puppy Interview” nga gipasalida niadtong Miyerkules, si Jin o Kim Seok-jin miingon nga kanunay niyang kantahon ang “Just the Way You Are” sa wala pa siya mag-debut.
Ganahan usab siya sa “APT” nga kolaborasyon ni Bruno Mars ug Blackpink’s Rose.
Gipaambit usab ni Jin nga kanunay siyang maminaw sa iyang kaugalingong album nga “Echo,” nga gi-release niadtong Mayo, tungod kay karon pa lang siya makapaminaw niini nga padayon.
Nangandam na usab ang K-pop star sa iyang concert tour nga sugdan sa Goyang, South Korea karong Hunyo, hinungdan nga nibalik na siya sa workout.
Si Jin ang unang miyembro sa BTS nga nakakompleto sa mandatory military service, ug sukad niadto kay busy na siya sa mga solo projects sama sa web variety show.
