Gikataho nga gipalit sa American businessman na si Josh Kushner ug ang Disney executive nga si Bob Iger ang Los Angeles Lakers sa kantidad nga $12.5 bilyon.
Nataho nga si Kushner ug Iger mopuli sa pagkontrol sa interes sa Lakers gikan ni Mark Walter, kinsa mipalit sa majority stake sa team gikan sa pamilyang Buss sa kantidad nga $10 bilyon niadtong Oktubre 2025.
Matod nila ni Kushner ug Iger, mapasigarbuhon sila nga mahimong bag-ong tag-iya sa usa sa labing iconic nga mga basketball teams sa kalibutan.
Misaad usab sila nga ipadayon ang kalampusan sa Lakers ug palig-onon ang relasyon sa team sa mga fans ug sa Los Angeles.
Samtang, si Walter miingon nga ang pagpanag-iya sa Lakers usa sa labing dako nga dungog sa iyang kinabuhi, ug nagtuo siya nga mas daghang kalampusan ang nagpaabot sa team.
Sa wala pa ang pagpalit sa Lakers, si Kushner ug Iger gikataho nga lakip sa mga interesado nga partido nga nagtinguha nga makakuha og usa ka NBA expansion team sa Las Vegas.
