Miapil na usab sa gubat ang kaalyado sa Iran, ang militanteng grupo nga Hezbollah, nga nakabase sa Lebanon batok sa Israel ug US.
Kini aron i-panimalos sa pagpatay sa Supreme Leader sa Iran nga si Ayatollah Khamenei.
Gikumpirmar sa Hezbollah nga naglunsad kini og mga missile ug drone strike sa usa ka base sa kasundalohan sa Israel sa habagatan sa Haifa. Diin kini ang unang rocket nga gipabuto sa Hezbollah aron mabungkag ang ceasefire nga gikasabutan sa Israel niadtong Nobyembre 2024.
Sa usa ka pahayag, gikumpirmar sa Hezbollah nga ilang gitarget ang Mishmar HaCarmel missile-defense site.
Bisan pa, sumala sa militar sa Israel, ilang na-intercept ang projectile gikan sa Lebanon ug kini nahulog sa mga open areas.
Gitawag ni Lebanese Prime Minister Nawat Salam ang paglansad sa mga rocket gikan sa habagatang Lebanon nga usa ka iresponsable ug kadudahan nga buhat.
Ingon man nga gipasalig sa Prime Minister nga dili nila tugotan nga ang ilang nasud madala sa laing panagbangi ug nga ilang buhaton ang tanan nga kinahanglanon nga mga lakang aron mapugngan ang mga responsable sa pag-atake ug mapanalipdan ang mga tawo sa Lebanon.
