Kadaghanan sa mga magbabaload sa South Korea kay mibotar isip pabor sa impeachment motion ni Presidente Yoon Suk Yeol.
Gipahibalo ni National Assembly Speaker Woo Won-shik nga sa 300 ka mga magbabalaod, 204 ang mibotar nga pabor, 85 ang misupak, 3 ang ni-abstain samtang adunay 7 ka mga invalid nga boto.
Tungod kay ang gidaghanon sa mga magbabalaod nga mibotar pabor sa pagpalabang sa motion for impeachment milapas na sa gikinahanglang 200, ang Speaker nideklarar nga ang impeachment vote napasar ug natapos ang sesyon.
Samtang, karon nga napasar na ang impeachment motion alang kang Yoon, anaa na sa mga kamot sa constitutional court ang pagdesisyon sa impeachment ni Yoon sulod sa 6 ka buwan.
Matod ni Speaker Woo, ang mga gahum ug katungdanan sa pagkapresidente ni Yoon gikatakda nga masuspinde kung makadawat siya og usa ka kopya sa dokumento sa impeachment ug kung madawat kini sa Constitutional Court.
Samtang gisuspinde si Yoon, ug si Punong Ministro Han Duck-soo maoy mopuli kaniya isip acting president.
Apan bisan kon masuspenso ang gahom ni Yoon, magpabilin gihapon siya sa katungdanan o dili matangtang hangtod nga makahukom ang Constitutional Court kon ipadayon ba ang iyang impeachment.
