Nipahigayon ang kagamhanan sa Dakbayan sa Mandaue og dry run gahapong adlawa, Agosto 25, 2026, alang sa mga bag-ong electric bus nga gipalit sa siyudad, ubos na sa pagpangulo ni Mandaue City Mayor Thadeo Jovito “Jonkie” Ouano uban sa pipila ka mga miyembro sa Konseho sa Dakbayan ug sa Traffic Enforcement Agency of Mandaue (TEAM).
Ang siyudad naggahin og P40 milyon para sa abang sa mga bus, nga nagkantidad og mga P6,000 kada adlaw, ug gibanabana ni Mayor Ouano nga ang kinatibuk-ang abang kada tuig mokabat sa mga ₱15 milyon.
Basi sa gipahayag ni Mayor Ouano ang dugang kalamboan sa serbisyo sa pampublikong transportasyon sa dakbayan nga gisakopan niini, pinaagi sa pagpadangat sa mga bag-ong bus unit.
Sa iyang pampahayag sa media, gikabutyag sa mayor nga gilauman nga moabot ang dugang duha ka unit sa dili madugay, samtang ang laing duha ka unit gipaabot nga moabot sa katapusan sa buwan.
Gidugang usab ni Ouano nga ang matag bus unit adunay kapasidad nga maka-accommodate og dul-an sa 30 ka mga pasahero.
Kining bag-ong transportasyon gidisenyo aron makahatag og dako ug mas gipauswag nga tabang alang sa mga konstituwente ug mga estudyante sa Mandaue, nga maghatag kanila og mas sayon, hapsay, ug kasaligang sakyanan sa ilang adlaw-adlaw nga pagbiyahe.
