Gipadayag ni Presidente Ferdinand Marcos Jr. ang iyang kabalaka sa kasamtangang sitwasyon sa Senado, diin iyang giangkon nga “puno sa kalisang” nga nagtan-aw siya sa mga miaging insidente human sa mga taho bahin sa tensyon sa armas, pag-walkout sa minority bloc, ug giingong coup.
Atol sa iyang pagpamulong sa “Kapihan with the Media” didto sa Japan, nagsubo ang Presidente sa kausaban gikan sa mga debate nga nakabase sa isyu ngadto na sa personal nga panagbangi sa mga magbabalaod, ug iyang gipasabot nga ang maong mga insidente wala gayod mahitabo sa iyang panahon isip senador.
Iyang gisulti nga ang Senado dili na pareho sa ilang panahon tungod kay nagpabilin na kini sa personalay ug nahimo nang mabaw ang mga diskurso.
Gipangutana usab niya ang mga taho nga nag-ingon nga ang Senado nagtago matod pa og mga pugante, nga nagsubli sa mga kabalaka nga giisa ni kanhi Senate President Franklin Drilon, ug iyang giawhag ang mga senador nga sulbaron dayon ang maong sitwasyon sa labing daling panahon.
Samtang, gisupak usab sa Presidente ang giduso nga pag-amenda sa patakaran sa Senado nga magtugot sa “online appearance” alang sa mga absent nga magbabalaod, diin giingong pabor lamang kini alang kang Senador Ronald “Bato” dela Rosa.
Giklaro niya nga dili angay tugotan nga makabotar ang kinsa mang magbabalaod kung dili kini personal o pisikal nga motambong sa sesyon.
Iyang gipasabot nga kung dako gyud kaayo ug importante ang maong balaodnon ug kung duna gyoy kamahinungdanon ang pagpili o pagbotar sa usa ka senador, kinahanglan gayod kini nga moadto ug motambong sa sulod mismo sa Senado.
