CEBU CITY — Napaglantawan sa Police Regional Office (PRO)-7 nga malinawon ug hapsay ang paghandum sa kalag-kalag ning tuiga.
Matud sa tigpamaba sa PRO-7 nga si Police Colonel Maria Aurora Rayos nga gipatuman sa kapulisan ang mga angayan ug dili angayang buhaton sulod sa sam-ang subay sa gipatuman nilang hugot nga seguridad.
Nasakmit sa mga kapulisan ang mga kontrabando sama lang sa mga hait nga butang, mga baraha, ug mga ilimnong makahubog.
Gipasalamatan ni Rayos ang mga katawhan gumikan sa ilang dakong pagsalig sa kapulisan.
Nagpasalamat usab ang PRO-7 sa mga ahensya sa gobyerno ug force multipliers alang sa pagpalungtad sa kahapsay ug kalinaw sa mga sam-ang sa rehiyon siete.
Pangandaman usab sa PRO-7 ang pagsaulog sa Pasko ug bag-ong tuig ilabi na ang pagpatuman sa hugot nga seguridad atol sa misa de gallo.
Nanawagan si Rayos sa publiko nga mag-amping sa kanunay ug magbantay-bantay sa kaugalingon.
