CEBU – Malinawon ang Kalag-Kalag karong tuiga sa Central Visayas, Bisan pa sa daghang mga tawo nga nidagsa sa mga sementeryo, matod sa mga tigpatuman sa balaod.
Gihulagway sa Police Regional Office (PRO-7) nga ‘collectively peaceful’ ang pag-obserbar sa All Saints’ Day ug All Souls’ day tali sa Nob. 1 hangtod Nob. 2.
Matod ni Police Brig. Gen. Roderick Augustus Alba, direktor sa PRO-7, nga wala’y natala nga dagkong mga dili maayong insidente nga may kalabotan sa Kalag-Kalag.
Gidayeg usab sa PRO-7 director ang mga police personnel sa rehiyon sa ilang paningkamot sa pagsiguro sa kalinaw ug kahapsay sa mga sementeryo ug uban pang ‘critical areas’.
Sa pikas bahin, padayon nga giawhag ni Alba ang publiko nga magpabiling mabinantayon ilabi na nga nagkaduol na ang Holiday ug Sinulog season.
