Gikumpirma sa Department of Foreign Affairs ang pagkamatay sa usa ka 53-anyos nga Filipino Tourist sa Hong Kong human samtang nagsakay kini sa Frozen Ever After sa Disneyland.
Inubanan sa Lantau Police Headquarters, ang Consulate General, pinaagi sa Assistance-to-Nationals Section mao ang nikompirmar sa maong insidente ngadto sa kabanay sa biktima, ug nipadangat sa ilahang pahasubo sa hingtungdan niini.
Samtang, nipadangat usab ang buhatan nga mo-abag sa proseso sa pagpauli sa patayng lawas sa maong pilipinong turista, ug nagpadayon usab ang Consulate General sa pakig-coordinate sa mga lokal nga awtoridad samtang nagpadayun sa paghatag og konsiderasyon sa hingtungdan sa maong panghitabo.
Basi sa mga taho, ang maong pilipinong turista namatay samtang nagsakay sa Hong Kong Disneyland’s Frozen Ever After attraction mga alas 10 sa buntag niadtong Biyernes, Agosto 29, diin dali usa kini nga gidala sa tambalanan apan gideklarar kini nga patay mga alas 11:30 sa buntag.
Sa inisyal nga imbestigasyon usab sa theme park nagpakita nga ang insidente wala’y kalabutan sa ride safety, apan temporaryo gihapon nga gisuspinde sa management niini ang operasyon sa gikan sa Agosto 31 ngadto sa Septiyembre 19 alang sa pagpahamtang sa operational adjustments.
