Gitapos sa China ang kampanya sa Pilipinas sa women’s doubles tennis event sa 20th Asian Games sa Aichi-Nagoya, Japan, human gipildi nila ni Jiang Xinyu ug Yang Zhaoxuan ang pares sa mga Pilipina nga sila si Alex Eala ug Shaira Rivera sa “straight sets,” 7-5, 6-2.
Hugot ang kombati sa unang set diin nagbayloay og puntos ang duha ka pares. Apan, nakakuha og momentum ang pares sa China sa hinapos nga bahin sa set aron makuha ang unang kadaugan, 7-5.
Adunay mga impresibong “rallies” o binayloay og bola sa ikaduhang set, apan gipadayon sa China ang ilang momentum sa ulahing bahin aron tapuson ang duwa, 6-2.
Kini ang ikaduhang duwa nila ni Eala ug Rivera sa women’s doubles, human sa ilang kadaugan sa opening round batok sa pares gikan sa Hong Kong nga sila si Lai Ching Laam ug Kallista Liu, 6-1, 6-3.
