Human sa ilang malampusong pag-apil sa 2oth Asian Games sa Japan, ang managsuong Carlos ug Eldrew Yulo daling mibalik sa pagbansay-bansay sa France isip pagpangandam alang sa umaabot nga 54th Artistic Gymnastics World Championships sa Netherlands.
Atol sa Athletes Homecoming dinner niadtong Lunes sa gabii, Oktubre 5, gipaambit sa managsuon nga nakatakda silang molupad paingon sa France aron mangandam alang sa kompetisyon sa Rotterdam.
Kahinomdoman nga sa bag-ohay lang natuldokan nga Asian Games, nakakuha si Carlos og duha ka gold medal—sa floor exercise ug vault, samtang nakauli si Eldrew og bronze medal sa parallel bars.
Ang umaabot nga World Championships maoy magsilbing senior debut sa manghod nga Yulo, kinsa una nang miapil sa Junior World Championships nga gipahigayon sa nasud sa miaging tuig.
Ang 54th Artistic Gymnastics World Championships gikatakdang ipahigayon gikan sa Oktubre 17 hangtod 25 sa Rotterdam, Netherlands.
