Cebu City-Gihuwat nalang karon sa kampo ni Noven Belleza ang desisyon sa korte. Kini human nga nagwithdraw ang complainant sa rape case nga gipasaka niini batok sa sikat nga singer niadtong nakalabay nga Hulyo.
Matud sa abogado ni Belleza nga si Atty. Leilani Villarino, nga bisan ug aduna nay affidavit of desistance ang complainant dili automatic nga madismiss ang kaso. Matud niini nga kinahanglan pa gihapon ang approval gikan sa korte ug huwaton pa nila ang desisyon sa judge kalabot sa maong affidavit.
Dugang pa sa abogado nga aduna pa silay scheduled hearing sa ika-11 o 12 sa Setyembre ug human niini ayha pa matud pa sila mupagawas og komento.
Mahinumduman nga nga niadtong Hulyo gi-reklamo ug gipasakaan og kasong rape si Belleza tungod kay giingong gilogos niini ang iyang kauban nga usa usab ka singer human kini mag guest sa usa ka concert sa usa ka sikat nga komedyante dinhi sa Cebu.
Niadtong Hulyo 19 sa dihang madowngrade ang kaso ngadto sa sexual assault kung diin temporayo nga gawasnon si Belleza tungod kay nakapiyansa kini sa kantidad nga 120,000 pesos sa wala pa ang Regional Trial Court.
