Plano nga mo apelar ang kampo ni Bamban, Tarlac Mayor Alice Guo nga tangtangon ang suspensyon batok sa opisyal.
Gibutyag sa abogado sa mayor nga si Atty. Stephen David, nga walay ebidensya sa reklamo nga gipasangil batok sa iyahang kliyente.
Kahinumdoman nga una nang gisuspenso sa Office of the Ombudsman niadtong Lunes sila si Guo ug duha pa ka mga opisyal sa Bamban og hangtud sa 6 ka buwan samtang naka-pending ang mga resulta sa imbestigasyon sa reklamo gipasaka sa Department of the Interior and Local Government subay sa giingong iligal nga mga aktibidad sa Philippine Offshore Gaming Operator complex sa lungsod Bamban nga naglambigit sa mayor.
Gipasabot ni Ombudsman Samuel Martires, gimando niini ang suspensyon sa mayor kauban ang business permit ug licensing officer arun nga malikayan nga ma-impluwensyahan ang gipahigayon nga imbestigasyon.
