Gibutyag ni Akbayan Partylist Rep. Percy Cendana, nga walay laing gibuhat ang kampo ni Vice President Sara Duterte atol sa unang semana sa Impeachment Trial kundi ang paglangay ug paglibog sa proseso aron dili makasabut ang publiko gumikan kay sigon niini nga walay igong basehan ang depensa sa pagtubag sa lig-on nga presentasyon sa prosekyusyon.
Matud niini nga ang pagbukas sa mismong pagdungog sa unang 3 ka adlaw, magsilbing kadaugan alang sa mga Pilipino sa pagpanubag sa Bise Presidente, sa dugay nang mga isyu nga hangtud karon wala tubaga ni Duterte.
Lakip sa mga lakang nga nakita ni Cendana, nga nagpalangay sa proseso mao ang sunod-sunod nga pag-object sa depensa ngadto sa prosekyusyon nga walay basehan, apil usab niini ang pagpasaka ug petisyon ngadto sa Korte Suprema og petisyon sa pagpahunong sa Impeachment Trial ug pagkuwestiyon kang Senator Judge Chiz Escudero, nga mo-preside sa mismong pagdungog.
Sigon sa opisyal nga sukwahi ang mga pamahayag ug ang gipakita sa kampo VP Duterte ngadto sa publiko gumikan kay kung tinoud nga adunay “Bloodbath” nga mahitabo sa Impeachment trial, kuwestiyonable kini ngadto sa publiko gumikan kay hangtud karon wala kini motambong sa mga pagdungog agi’g pag respeto sa proseso sa Impeachment trial.
Mensahi usab ni Rep. Cendana sa publiko ngadto sa padayung pagpahigayon sa pagdungog nga unta taasan sa publiko ang pasensya sa pag-subay sa Impeachment trial, ug mahinungdanon nga hatagan ug pagtagad ang mga gipresentar nga ebidensya ug dili magpailad sa mga peke nga impormasyon sa social media.
