Nasikop ang kanhi aktor nga si John Wayne Sace, kinsang nalambigit sa giingong pagpatay sa iyang kaugalingong higala sa Pasig City.
Matud ni EPD Director PCol. Villamor Tuliao, mga alas siyete sa miaging gabii, dihang gipusil sa aktor ang iyang higala sa barangay Sagad, dakbayan sa Pasig.
Giingong misuway pag-ikyas ang aktor apan naabtan kini sa usa ka Motel alas sais sa buntag.
Sa inisyal nga imbestigasyon, mipatim-aw nga si John Wayne adunay dugay nang away sa iyang higala.
Sa iyang online post sa wala pa siya madakpi, bisan og walay pangalan nga gihisgutan, niingon kini nga adunay hulga sa iyang kinabuhi ug sa kinabuhi sa iyang pamilya.
Si Sace kay katapusang nakita sa telebisyon sa FPJ’s Ang Probinsyano niadtong 2021 hangtod 2022 isip si Omar.
