Ubos sa pagpangulo ni Presidente Ferdinand R. Marcos Jr. isip ASEAN Chair sa 2026, ang Pilipinas nagpatawag og espesyal nga trilateral meeting sa Sugbo tali nila ni Cambodian Prime Minister Hun Manet ug Thai Prime Minister Anutin Charnvirakul, mapadali ang konstruktibong diyalogo sa sitwasyon sa utlanan sa Cambodia ug Thailand.
Atol sa miting, gipamatud-an pag-usab sa duha ka lider ang ilang pasalig sa abli nga komunikasyon, pagpugong, ug pagpadayon sa kasamtangang bilateral nga mga mekanismo.
Ang mandato sa ASEAN Observer Team (AOT), usa ka lawas nga gilangkuban sa mga representante gikan sa mga Miyembro nga Estado sa ASEAN nga gitahasan sa pag-obserbar, pag-verify, ug pagreport sa pagpatuman sa kasabutan sa ceasefire, gipalugway usab sulod sa tulo ka bulan hangtod sa Hulyo 2026, uban sa Pilipinas nga nagsilbing coordinator niini.
Sa hiniusa nga press conference nga misunod, gipasiugda ni Presidente Marcos ang papel sa ASEAN isip usa ka plataporma alang sa diyalogo nga gibase sa soberanya, dili pagpanghilabot, ug ang malinawon nga paghusay sa mga panaglalis.
Subay niini, nanawagan si Prime Minister Hun Manet alang sa hingpit nga pagpatuman sa Joint Statement niadtong Disyembre 27, 2025 ug gipasiugda ang mga pagbinayloay sa mga tawo isip usa ka komplementaryong haligi sa pagtukod pag-usab sa pagsalig.
Samtang gipamatud-an ni Prime Minister Anutin nga ang panagbangi nagdala lamang og pag-antos, ug mipasalig sa pagtrabaho uban sa Cambodia sa praktikal nga mga lakang sa pagtukod og pagsalig sugod sa mga lugar nga adunay diha-diha nga komon nga baruganan.
Ingun man nga gipamatud-an pag-usab sa tulo ka mga lider nga ang malungtarong kalinaw nanginahanglan og sinseridad, padayon nga diplomasya, ug dili matarug nga pagsunod sa internasyonal nga balaod.
