-- ADVERTISEMENT --
Mandaue City- Nasikop sa buy-bust operation ang usa ka kanhi Army sa may Realty Road, Barangay Mantuyong, dakbayan sa Mandaue, gahapon Agosto 10, 2023.
Nipahigayon og operasyon ang mga operatiba sa PDEA 7, kauban ang NAVFORCEN, Mandaue City Police Office (MCPO) Station 1, MCPO SWAT, ug MCPO-CIU batok kang Stanley Coca, 32, kanhi sakop sa Philippine Army (AWOL), ug usa ka residente sa Barangay Adlaon, dakbayan sa Sugbo.
Nasakmit atol sa operasyon ang 21 ka pakete sa gituohang shabu nga motimbang og 1,000 gramos nga gibanabana nga mobalor og P6,800,000.
Kasong paglapas sa Sections 5 ug 11, Article II sa RA 9165 ang giandam na alang sa pagpasaka sa korte batok sa suspek.
