Mibaklay sa kapin 32.18-kilometros ang kanhi Boston Celtics Player nga si Paul Pierce human kini napildi sa pakigpusta sa Game 2 sa NBA Playoff game tali sa iyang team kontra ang New York Knicks.
Kini ang gibuhat sa kanhi player diin sa pagbaklay niya kay nagsul-ob lang siya og bathrobe ug nagtiniil (barefoot) tungod sa kapildihan sa iyang pakigpusta sa iyang mga kaubang sports analyst sa usa ka TV show sa Amerika (USA).
Sa wala pa ang duwa kay hambugiro pa kaayu namahayag si Pierce nga makadaog ang Celtics diin didto niya gibuhat ang iyang pakigpusta dili tali sa kwarta apan sa pagbaklay gikan sa iyang balay padulong sa studio sa ilang sports talk show.
Human niini kay napildi ang Celtics sa Game 2 kontra ang Knicks sa ilang final score sa 91-90.
Diri na gipamanlandongan ni Pierce ang iyang gibuhiang istorya og gibuhat iyang commute sa Los Angeles sa gilay-on nga 32.18-kilometros ng anagtiniil pa sul-ob lang ang bathrobe.
Nag-post kini sa updates sa iyang pagbaklay sa iyang Instagram Live nga nagpamatuod sa iyang pagtuman sa iyang saad.
Naabot na siya sa ilang studio pasado na ala 1 sa hapon oras sa Los Angeles, California.
