Miabot na ang chartered flight nga gisakyan ni kanhi Presidente Rodrigo Duterte sa The Hague Airport sa Netherlands.
Ang flight RP-C5219 mitugpa sa nahisgutang airport alas 11:55 sa gabii niadtong Miyerkules sa oras sa Pilipinas.
Ug gilauman nga madala dayon kini sa International Criminal Court.
Samtang, daghan usab ang nag-atang nga mga Pilipinong dumadapig sa kanhi nga anaa gawas ICC bitbit ang mga placards ug flag sa nasud.
Hinungdan nga mas gipahugtan pa ang seguridad gawas sa Hague Penitentiary Institution sa dihang mitugpa na kini sa Netherlands.
Gawas usab sa mga supporters kay adunay mga protesters nga nagkupot og mga plakard nga adunay suwat nga ‘justice for victims of Duterte’s Drug war.
Ug sa dihang wala pa kini makatugpa sa Netherlands kay miluwat kini og mensahe alang sa mga kapulisan ug sa military nga siya na ang bahala sa tanan ug miingon nga panalipdan niini ang mga law enforcement, apil na ang mga military.
