Plano ni kanhi Presidential spokesperson Harry Roque nga moduso sa iyang depensa pinaagi sa counter-affidavit sa reklamo sa human trafficking batok kaniya.
Apan, gibarugan ni Roque nga dili siya personal nga moatubang sa Department of Justice.
Matod niya, manumpa siya sa katinuod sa iyang counter-affidavit ngadto sa piskal, legal entities inay sa DOJ.
Nihimo si Roque sa pamahayag human ang mga awtoridad nipasaka og supplemental complaint affidavit batok kaniya, human kini nalakip sa inisyal nga reklamo sa trafficking batok sa awtorisadong representante sa Lucky South 99 nga si Cassandra Li Ong.
Hinuon, gihimakak na usab ni Atty. Roque ang mga pasangil ug niingon nga dili na bag-o ang mga ebidensiya batok kaniya ug tataw nga hinimo-himo lang ang maong mga kaso.
Ingon man nga naglaum siya nga buhaton sa piskal ang ilang katungdanan.
Gitataw usab ni Roque nga walay ebidensiya nga ni-recruit o nigamit siya og puwersa aron motrabaho ang mga tawo ug matod pa nga walay ebidensya sa kakunsabo o panagkunsabo.
