CEBU CITY-Gikasagmuyo sa kanhi Magdalo Partylist representative nga si Gary Alejano ang mga pasangil batok ni PNP chief Oscar Albayalde mahitungod sa mga ninja cops.
Matud ni Alejano atol sa ekslusibong pakighinabi sa Bombo Radyo Cebu nga apektado ang sakop sa kapulisan gumikan sa mga pamahayag ni kanhi CIDG chief ug mayor sa Baguio City nga si Benjamin Magalong batok ni Albayalde.
Kung mahinumudman nga mibutyag si Magalong nga mihangyo si Albayalde kang kanhi Central Luzon Police Director Aaron Aquino nga dili ipatuman ang dismissal order sa iyang mga sakop.
Hinoon gidayeg sa kanhi kongresista ang kaisog ni Magalong aron i-bulgar ang iyang nahibaw-an mahitungod sa kwestyonableng buybust operation niadtong 2013 apan kinahanglan pa kining i-validate.
Dugang pa ni Alejano nga tuyong mipahigayon ang Senado og imbestigasyon sa isyu sa ninja cops, o mga pulis nga nag-recycle sa mga nasakmit nga drugas, aron mabutyag pa ang uban nga mga gitaguang sikreto. (FDP/GN)
