Kapin 2-M nga kantidad sa shabu, nakuha gikan sa duha ka batan-on

CEBU – Nasikup ang duha ka batan-on sa buybust operation sa Sitio Bliss, Barangay Labangon, kaganihang buntag.

Giila ang mga dinakpan nga sila si Joshua Barba, 20 anyus, ug Claire Villahermosa, 18 anyus, pulus mga residente sa nahisgutang barangay.

Nakuha gikan sa duha ang 315 grams nga shabu kung diin mukabat sa 2.1 milyones ka pisos.

Nasayran pinaagi ni Police Major Keith Allen Andaya, hepe sa Punta Police Station, nga si Villahermosa ang hinigugma sa usa ka drug suspect nga una na usab nilang nadakpan.

Gituhu-an sa hepe nga si Villahermosa ang gisugu sa iyahang hinigugma nga ipadayun ang maong iligal nga aktibidad.