Kinatibuk-ang P158. 3-milyones nga balor sa financial assistance ang gihatag ni Presidente Ferdinand “Bongbong” Marcos Jr. sa mga lokal nga kagamhanan gikan sa Davao nga grabeng naapektuhan sa 7.4 magnitude nga linog.
Sumala pa ni Palace Press Officer Usec. Claire Castro niingon nga ang P50-milyones alang sa Davao Oriental; P10-milyones para sa Mati City, P15-milyones matag usa sa Manay, Banaybayan, ug Lupon.
Samtang P10-milyones matag usa alang sa Tarragona ug Baganga.
Matod ni Usec. Castro, kini nga suporta gikan sa Office of the President kay aron matabangan ang mga Davaoeño nga makabangon gikan sa epekto sa linog.
Matod niya nga gusto ipaabot sa presidente atol sa iyang personal nga pagbisita sa Davao nga ang gobyerno magpadayon sa paghatag og hinabang hangtod nga ang tanang pamilya nga naapektuhan sa linog makabangon ug makasugod na usab og pagbalik.
