Napugos sa pagbakwit ang kapin sa 200,000 ka mga tawo human sa usa ka dakong sunog sa lasang nga miigo sa habagatang-kasadpan sa France ug mikaylap ngadto sa pipila ka bahin sa Spain.
Ang mga awtoridad sa France miingon nga kapin sa 141,000 ka mga residente ug turista ang gibakwit gikan sa mga rehiyon sa Gironde ug Landes.
Kung diin, ang peninsula sa Cap Ferret usa sa mga lugar nga labing naapektuhan, diin ang mga tawo napugos sa pagbakwit pinaagi sa mga bangka ug sakyanan tungod sa paspas nga pagkaylap sa kalayo ug baga nga aso.
Kusog nga hangin ug heatwave ang hinungdan sa paspas nga pagkaylap sa sunog ngadto sa mga baryo, campsite, ug mga komunidad.
Nagpadala ang gobyerno og gatusan ka mga bombero, mga eroplano nga nagpamomba og tubig, ug mga personahe sa militar aron suportahan ang operasyon sa pagpalong sa sunog.
Nangayo usab ang France og tabang gikan sa European Union aron makakuha og dugang kagamitan ug pwersa, samtang padayon nga gibantayan ang rehiyon aron mapugngan ang sunog nga makaabot sa mga lugar nga gipuy-an sama sa lungsod sa Bordeaux.
