Nakurat ang mga nakasaksi sa pagkahagsa sa usa ka eroplano sa Aktau airport, Kazakhstan.
Diin ang maong insidente kay gituohang nakapatay og 42 ka mga pasahero gikan sa 67 ka sakay niini.
Matud pa nga ang mga pasahero gikan sa lainlaing mga nasud: 37 gikan sa Azerbaijan, 16 gikan sa Russia, 6 gikan sa Kazakhstan, ug 3 gikan sa Kyrgyzstan.
Basi sa inisyal nga mga taho, ang Azerbaijan Airlines (AZAL) nga eroplano nga nag-operate sa flight J2-8243 gikan sa Baku paingon sa Grozny kay nahagsa pinaagi sa emergency landing ug ang pagkahagsa niini kay tungod sa usa ka bird strike.
Ingon man nga tungod sa baga nga gabon sa Grozny airport, ang eroplano unang gi-redirect sa Makhachkala ug dayon sa Aktau.
Ug atol sa emergency landing, ang mga tripulante wala makadawat og clearance sa pagtugpa sa Grozny.
Nagpahayag na sa ilang pahasubo ang kompanya sa airlines ngadto sa mga pamilya sa mga biktima ug mipasalig sa paghatag sa tanang gikinahanglang suporta.
