Nakumpiskar ang kapin sa 530,000 ka mga ilegal nga pabuto ug pyrotechnics sa Philippine National Police (PNP) atol sa adlaw sa bisperas sa Bag-ong Tuig.
Matod sa taho sa tigpamaba sa PNP nga si Police Brigadier General Jean Fajardo nga miabot na sa 535,960 ka mga pabuto ang nakumpiskar sugod alas 6 sa buntag niadtong Martes.
Diin mokabat sa 34 ka mga tawo ang nadakpan tungod sa illegal possession ug illegal nga pagpamaligya og pabuto nga kadaghanan sa mga nadakpan gikataho sa Calabarzon nga adunay 19, gisundan sa Metro Manila nga adunay siyam, Central Luzon nga adunay upat, Bicol ug Zamboanga Peninsula nga adunay matag usa.
Sumala sa PNP, niabot sa 172 ka mga tawo ang naangol tungod sa pabuto.
Namatikdan ni PBGen Fajardo ang taas nga ihap sa mga kaso sa firecracker-related injuries tungod sa lantaka o usa ka improvised nga kanyon nga ginama sa dagkong PVC pipes/lata fueled sa denatured nga alcohol.
Nakatala usab ang PNP og 15 ka kaso sa indiscriminate discharge of firearms sa wala pa ang pagsugat sa Bag-ong Tuig 2025 diin upat ka tawo ang nasamdan tungod sa indiscriminate firing, ug usa ang samdan tungod sa saag nga bala.
