CENTRAL VISAYAS-Nakatala ang Commission on Elections (COMELEC) og 7,313,012 ka mga botante sa tibuok Central Visayas.
Sa maong ihap, 5,415,057 ang naheristro isip regular voters samtang 1,897,955 ang nareshistro isip Sangguniang Kabataan (SK) voters.
Sa Cebu Province, adunay kinatibuk-ang 4,561,588 nga botante, kung diin 3,384,198 niini kay mga regular voters samtang 1,177,393 ang SK voters.
Samtang, adunay kinatibuk-ang 965,615 ka mga botante ang dakbayan sa Sugbo, kung diin sa maong ihap, 741,475 ang rehistrado nga regular nga botante ug 224,140 ang SK voters.
Sa pikas nga bahin, adunay 102,284 ka mga kandidato nga milansar ang tibuok rehiyon 7 kung diin 43,804 niini naggikan sa Cebu, 34,995 gikan sa Bohol,19,289 sa Negros Oriental, ug 4,196 ang gikan sa Siquijor.
Sa kinatibuk-an, 6,611 kanila ang midagan isip Barangay Chairman, 52,260 ang midagan isip Barangay Kagawad, 6,559 pagka SK Chairperson, samtang 36,954 kabuok ang midagan pagka SK Councilor.
