Kapin sa 9,000 ka mga atleta gikan sa 188 ka mga lokalidad ang mipartisipar sa kinadak-an yg pinaka-engrandeng edisyon sa Batang Pinoy National Championships niadtong Sabado, Oktubre 25, 2025.
Gipahigayon kini sa General Santos City sa South Cotabato ang hometown ni eight-division world boxing champion Manny Pacquiao inubanan sa Tokyo Olympics gold medalist weightlifter Hidilyn Diaz sa Zamboanga sa ilang pagpanuna sa torch relay.
Giorganisar kini sa Philippine Sports Commission (PSC) diin ang ang national games kay gisalmotan sa mga nag-edad og 12 hangtod sa 17-anyos sulod 27 ka mga isports sama sa archery, arnis, athletics, badminton, 3×3 basketball, boxing, chess, cycling, dancesport, futsal, gymnastics, jiu-jitsu, judo, kickboxing, karate, muay, pencak silat, sepak takraw, soft tennis, swimming, tennis, table tennis, taekwondo, volleyball, weightlifting, wrestling ug wushu.
Ang swimming ug athletics kay pasiugdahan sa Antonio Acharon Sports Complex.
Depensahan sa Pasig City ang korona niini human nakuha ang kadaugan isip overall championship niadtong nakalabayng tuig nga nakapupo sa 105 ka mga gold medals, 64 silver medals, ug 116 bronze medals.
Ang host city nga GenSan kay nanghinaot nga mapalambo ang fifth-place finish niini niadtong 2024 sa Puerto Princesa, Palawan.
Nag-atang ang P15-milyones ang premyo sa mga top performers diin P5-milyones para sa champion, P4-milyones sa second place, P3-milyones sa third place, P2-milyones sa fourth place, ug P1-milyon sa fifth place.
