Nasakmit ang kapin sa P1 milyon nga kantidad sa gituohang shabusa duha ka managlahing buy-bust operations nga gipahigayon sa Philippine Drug Enforcement Agency-7 (PDEA-7) ug Philippine National Police (PNP) sa Cebu ug Bohol gahapon Martes, Hulyo 21, 2026.
Kung diin, sa Compostela, Cebu, nadakpan sila si alyas Amang ug Jaw human masakmit gikan kanila ang 75 gramos nga gituohang shabu nga adunay Standard Drug Price nga P510,000.
Sumala sa PDEA-7, usa ka semana nga case buildup ang gihimo human makadawat og impormasyon gikan sa confidential informant.
Gituohang makaapod-apod si alyas Amang og hangtod 600 gramos nga shabu matag semana ug nadakpan na usab kaniadto sa kasong droga niadtong 2023.
Samtang sa Tagbilaran City, Bohol, nasikop usab ang alyas Nick diin narekober ang 78 gramos nga gituohang shabu nga nagkantidad og P578,000.
Gibutyag sa PDEA nga bag-o pa nakagawas sa prisohan ang suspetsado niadtong Abril 2026 ug gituohang makaapod-apod og 150 gramos nga shabu matag semana.
Giandam na batok sa mga nadakpan ang kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002.
