CEBU- Gipangulohan sa kagamhanang lalawigan sa Sugbo ang Cebu Health Summit on Asian Traditional Medicine nga gipahigayon sa Vicente Sotto Memorial Medical Center (VSMMC) niadtong adlaw sa Miyerkules, Pebrero 12, 2025.
Ang tulo (3) ka adlaw nga health summit kay nagpundok sa mga eksperto sa traditional Asian medicine gikan sa kaulohan ug bisan sa nasod nga China ug India.
Ang maong kalihukan kay gipangulohan ni Cebu Provincial Governor Gwendolyn Garcia diin mihatag og mensahe nga “if you’re in Cebu, you’re with family.”
Lakip sa mga misalmot sa maong summit kay sila Dr. Li Candong, Presidente sa Fujian University of Traditional Medicine, mga representates sa Philippine Institute of Traditional and Alternative Health Care (PITAHC), medical doctors gikan sa India, Dr Gerardo Aquino Jr., ang Chief of Hospital sa VSMMC ug uban pa.
Ang health summit nagtinguha sa konkretong dayalogo nga malakip ang traditional medicine sa modern medical studies aron sa pagpalambo sa kahanas sa medisina nga makahatag og kaayuhan sa tanang mga pasyente.
