Kapulisan nga naghupot sa kaso ni Rhea Mae Tocmo, gibatikos sa publiko

CEBU CITY-Gibatikos ang mga kapulisan sa naghupot sa kaso sa linuog nga pagpatay kang Rhea Mae Tocmo sa dihang gipagawas na niini ang resulta sa ilahang gihimo nga imbistigasyon.

Apan, kusganon nga gibarugan sa mga kapolisan nga aduna sila’y lig-on nga mga ebidensiya batok kang Simeon Gabutero, kinsang suspek sa pagpatay sa biktima.

Matud pa ni Dalogdog, nga ang nagtumbok kang Simeon mao ang tinud-anay nga pag-imbistigar nga gipahigayon sa mga kapulisan sama sa pagsumpay-sumpay sa mga nakuha nga CCTV ug ang ’cause of death’ sa biktima.

Samtang, giklaro usab sa hepe nga wala nila gipugos ang suspek sa paghatag og ‘extrajudicial confession’ tungod si Simeon na mismo ang nibutyag sa iyahang nabuhat ngadto sa biktima.