Kapulisan sa dakbayan sa Mandaue aduna nay Person of Interest (POI) sa pagpamahig sa usa ka abogada ug sa iyang anak

CEBU – Gibutyag sa kapulisan sa dakbayan sa Mandaue nga aduna na silay Person of Interest (POI) sa pag-ambush niadtong Septiyembre 1 kang Atty. Karen Quiñanola-Gonzales ug iyang 19-anyos nga anak sa Barangay Tipolo.

Apan, si Police Lieutenant Colonel Franc Oriol, deputy director for operations sa Mandaue City Police Office (MCPO), nagdumili sa paghatag og detalyadong impormasyon nga niingon nga padayon nilang gisusi ang maong butang.

Dugang ni Oriol nga ang suspek nigamit og kalibre .45 nga pistola segun sa report nga ilang nadawat gikan sa Scene of the Crime Operatives (SOCO).