Naka-red alert status na ang kapulisan sa Siquijor alang sa pag-abot ni Presidente Ferdinand Marcos Jr. subay sa ilang pagpangandam aron masiguro ang kahapsay ug kaluwasan sa Presidente karong adlawa.
Mao kini ang gipaambit ni Police Lt. Col. Rolan Aliser, ang tigpamaba sa Siquijor Police Provincial Office nga plansyado na ang ilang han-ay, ingon man nga niabot ug gisugat na usab ang mga augmentation gikan sa PRO Negros Island Region nga gipadala sa Regional Director.
Hinungdan nga mipasalig kini nga hugot ug sigurado ang kaluwasan ni PBBM sa iyang pagbisita sa isla.
Dugang pa niini nga mobisita ug magpahigayon oh inspeksyon ang Presidente sa SITCOR diin mao kini ang naghatag og elektrisidad sa tibuok isla sa Siquijor.
Kini subay sa krisis nga giatubang sa isla human nga gipaubos og state of calamity gumikan sa problema sa kuryente.
