CEBU CITY-Wala mabalaka ang kapulisan sa dakbayan sa Sugbo sa migawas karon nga bag-ong impormasyon nga gi pistahan sa social media nga dunay laing nagpaluyo sa linuog nga pagpatay kang Rhea Mae Tocmo niadtong Hulyo 17, 2023.
Matod ni Police Lieutenant Colonel Gerard Ace Pelare, ang spokesperson ni Police Brigadier General Anthony Aberin nga napasaka na ang kaso ug iyang gihulagway nga ang mga ebidensya nga gihuptan sa kapulisan sa dakbayan sa Sugbo lig-on kaayo ilabina nga miangkon na ang prime suspect nga si Simeon Gabutero nga siya gyud ang nagpatay kang Rhea Mae.
Kung duna may mga bag-ong ebedensya nga gihuptan ang kabanay sa biktima labing maayo nga ihatag kini ngadto sa Labangon police station 10 nga maoy nag hawid sa maong kaso basin makatabang pa kin
Matod ni Police Lt. Col.Pelare, nga kung naay ‘additional pieces of evidence’ nga posibling makatabang sa kaso or mas maka-klaru sa kaso, mamahimo kini nga magamit sa kapulisan, apan gikinahanglan nga makig-coordinate sa ilaha.
Dugang sa opisyal, nga dili na kinahanglang maglalis kung unsay nahitabo ug ang theory sa bisan si kinsa man, ilabi na nga napasaka na ang kaso, ug ang lig-on ang mga ebidensiya batok sa suspetsado uban sa iyahang extra-judicial confession.
Una nang mibutyag ang igsuon sa biktima nga wala sila makontento na sa migawas nga imbestigasyon sa kapulisan tungod kay matod nila kuwang pa kini ug dako ang ilang pagtuo nga dunay laing tawo nga nagpaluyo sa kamatayon ni Rhea Mae Tocmo nga wala maapil sa kaso.
