Gikondinar sa Presidential Task Force on Media Security, ang pagpusil patay sa usa ka Radio Commentator nga si Nestor Micator sa Bangsamoro Autonomous Region in Muslim Mindanao (BARRM) sa Malidegao, Cotabato, niadtong Huwebes, Mayo 21, 2026.
Matud ni Usec Jose Torres, Executive Director, Presidential Task Force on Media Security nga ang pagkalas sa usa ka kinabuhi sa usa ka miyembro sa mga magsisibya nakahatag kini og kabalaka, lakip na ang pagpanghulga sa siguridad.
Sigon niini nga dili lang kini pagtipig sa kagawasan sa pagpadayag apan lakip na ang panamastamas sa katungod sa publiko nga mahibalo sa mga tinoud nga impormasyon, pagyatak sa demokrasya og ang kagawasan sa pagdiskurso sa mga nagkadaiyang espasyo.
Nanawagan usab si Torres, sa mga awturidad nga paspasan ang pag-imbestigar sa kaso ni Micator uban sa panghinaot nga makig-alayon ang mga buhatan ngadto sa PTFOMS alang sa dugang pag-imbistigar.
Gihimug-atan sa PTFOMS ang kamahinungdanon sa hugot nga siguridad og kaluwasan sa mga sakop sa media hilabi na sa panahon sa paghatud og balita.
